Татарстандагы күлдә су алсу төскә керү сәбәбе ачыкланды
118
Яшел Үзән районының Васильево бистәсендәге күлнең алсу төскә керүе сәбәбен экологлар ачыклаган. Бу турыда «Татарстан 24» каналы хәбәр итте.
- Татарстандагы күлдә су алсу төскә кергән, дип хәбәр иткән идек.
Күлдәге су алсу төскә керә башлагач, Татарстан Экология министрлыгына шикаять килә. Урынга белгечләр бара, алар су үрнәкләрен ала. Тикшерү вакытында балыклар үлү теркәлми, су өслеге алсу төстә булмый.
Экологлар суны анализлагач, фенол буенча күрсәткечләр 2,9 тапкыр артык булуы ачыклана. Бу яшел-зәңгәр суүсемнәр көчле чәчәк ату чорында була, диелә хәбәрдә.
Шулай ук сульфат һәм марганец буенча күрсәткечләр бераз арткан, бу исә республикадагы су объектларының күбесенә хас, дип тапшыра «Татарстан 24» каналы.